| 2012-05-20 08:13:37 |
ՏՃԲ-ի աշխատակից Արմեն Հովհաննիսյանը ստացավ գիտական աստիճան
2012 թվականի մայիսի 15-ին կայացավ Ա.Ի. Ալիխանյանի անվան Ազգային Գիտական Լաբորատորիայի Տիեզերական Ճառագայթների Բաժանմունքի ասպիրանտ Արմեն Հովհաննիսյանի “Երկրորդային
Տիեզերական ճառագայթների մոդուլացիրոն էֆեկտների հետազոտությունը և հնարավոր ռադիացիոն փոթորիկների տեղեկացման համակարգի ստեղծումը “ թեմայով ատենախոսության պաշտպանությունը: Ասպիրանտի գիտական ղեկավարն է պրոֆեսոր Ա. Չիլինգարյանը, ընդիմախոսներ` Ն. Ակոպովը և Ա. Տոնեյանը :
Ատենախոսությունը նվիրված էր երկրորդական տիեզերական ճառագայթների հոսքերի մոդուլյացիոն էֆեկտների ուսումնասիրությանը և Արագած Գիտահետազոտական Կայանի (ASEC) դետեկտորների տվյալներով ռադիացիոն փոթորիկներից նախազգուշացման ազդանշանային համակարգ ստեղծելուն:
Աշխատության հիմնական նպատակներն և կատարված
աշխատանքներն են .
- Ռադիացիոն փոթորիկներից նախազգուշացման ազդանշանային համակարգի ստեղծումը
-
Հաշվարկել նախազգուշացնող համակարգի էֆեկտիվության և սխալ ահազանգման հավանականությունը
- Արագած գիտահետազոտական կայանի դետեկտորներին, ինչպես նաև բազմաչափ դետեկտորների ժամանակային շարքերի ֆիլտրացիայի ալգորիթմների կիրառումը :
Ընդիմախոս Ն. Ակոպովը կարևորել է ասպիրանտի կատարած գիտական աշխատանքը, նշել է, որ աշխատանքը ամբողջովին կատարված է բարձր գիտական մակարդակով, հանդիսանում է ինքնուրույն գիտական հետազոտություն, պարունակում է նոր, հետաքրքիր արդյունքներ: Նա նաև ցանկություն հայտնեց, որ ասպիրանտը շարունակի ընտրված թեմայի հետազոտությունը և հասնի առավել մեծ հաջողությունների:
