| 2016-03-9 11:26:47 |
Տպագրվել է TEPA-2015 նյութերի ժողովածուն
Մթնոլորտում բարձր էներգիայի երևույթի ուսումնասիրությունը` եզակի տեղեկատվություն է տալիս ստորին և վերին մթնոլորտային շերտերում ամպրոպի ընթացքում մասնիկների արագացման մասին: Մթնոլորտում և մոտակա տիեզերքում` էլեկտրոնների, պոզիտրոնների, գամմա ճառագայթների և նեյտրոնների մեծ հոսքերի գոյացումը կապված են ամպրոպների ձևավորման հետ և կարող են կիրառվել ծայրահեղ եղանակային պայմանների հետևանքների մոնիտորինգի համար: “Փախչող” հեղեղներից առաջացած էներգետիկ էլեկտրոնների, ֆոտոնների և նեյտրոնների մեծ հոսքերը` պոտենցիալ վտանգ են ներկայացնում օդանավերի անձնակազմի, ուղևորների և էլետրոնային համակարգերի համար:
Բարձր էներգիայի այս երևույթները քննարկելու նպատակով` Երևանի Ֆիզիկայի Ինստիտուտի
Նոր Ամբերդ միջազգային գիտաժողովների կենտրոնում կազմակերպվեց թվով 5-րդ՝
“Կայծակներ և Տարրական Մասնիկների Արագացում” անվամբ գիտաժողով: Գիտաժողովի
կազմակերպիչներն էին` ԵրՖԻ-ի կոսմիկական ճառագայթների բաժանմունքը և Մոսկվայի
պետական համալսարանի միջուկային ֆիզիկայի ինստիտուտը` Հայաստանի Գիտության պետական
կոմիտեի հովանավորությամբ: ԱՄՆ-ից, Գերմանիայից, Նորվեգիայից, Ռուսաստանից և
Հայաստանից ժամանած 30 գիտնականներ մասնակցեցին գիտաժողովին:
Ելույթները կենտրոնացած էին ամպրոպային վերգետնյա աճերի (TGE) և երկրային գամմա
ճառագայթների բռնկումների (TGF), ինչպես նաև սարքավորումների միջոցով`
մթնոլորտային բարձր էներգիայի երևույթների ուսումնասիրությունների վրա:
<<Տիգրան Մեծ>> հրատարակչությունում սույն թվականի մարտ ամսին
տպագրվեց TEPA-201ջ նյութերի ժողովածուն: Ձեռնարկի առցանց տարբերակը կարելի
գտնել http://www.yerphi.am/images/tepa-2015-21march-low.pdf հղմամբ:
Գիտաժողովի մասին առավել մանրամասն տեղեկատվություն կարող եք ստանալ գիտաժողովի
կայքից՝http://crd.yerphi.am/Conferences/tepa2015/presentation:
Հաջորդ՝ Tepa 2016 գիտաժողովը, կանցկացվի 2016 թվականի հոկտեմբերի 3-7 Երևանի
Ֆիզիկայի Ինստիտուտի Նոր Ամբերդ միջազգային գիտաժողովների կենտրոնում: