2014-10-20 11:00:31 |
Պրոֆեսոր Աշոտ Չիլինագարյանի նախկին ասպիրանտ, գիտությունների թեկնածու` Բագրատ Մաիլյանը ստացել է Ալաբամայի Համալսարանում, Հենցվիլ, ԱՄՆ, ՆԱՍԱ-ի կողմից ֆինանասավորվող գիտաշխատողի պաշտոնը:
Նա աշխատելու է Ֆերմի-ի գամմա ճառագայթների մոնիտորի հետազոտման թիմում` վերլուծելով այդ մոնիտորի գրանցած տվյալները: Ներկայումս Ֆերմին լավագույն տիեզերական սարքավորում է, որը հետազոտում է այսպես կոչված Երկրային գամմա ճառագայթների բռնկումները /անգլ. TGFs/` բարձր էներգիայի մասնիկների հոսքերը, որոնք ծագում են ամպրոպներից: Կիրառելով իր փորձը Վերգետնյա ամպրոպային աճերի ուսումնասիրությունների մեջ, որոնք հետազոտվել են Արագածի դետեկտորիների միջոցով, Բագրատ Մաիլյանը կաշխատի ՆԱՍԱ-յի ճանաչված հետազոտողների հետ` բարելավելով իր գիտելիքները բարձր էներգիայի մթնոլորտային երևույթներում:
Բարձր էներգիայի
մթնոլորտային ֆիզիկան գիտության նոր ճյուղ է, որն ուսումնասիրում է ամպրոպների
հզոր էլեկտրական դաշտում արագացած ռելյատիվիստական էլեկտրոններից ծնված տարրական
մասնիկների հոսքերը:
Մասնիկների հոսքերը ուղղված են և դեպի բաց տիեզերք, որտեղ դրանց գրանցում են տիեզերքում
գամմա ճառագայթների դիտակները, և թե դեպի Երկիր մոլորակի մակերևույթ: Երկրի
մակերևույթի էլեկտրոնների, գամմա ճառագայթների և նեյտրոնների, ինչպես նաև ռադիո
բռնկումների, էլեկտրական դաշտի, կայծակների գրանցման ամենամեծ սարքավորումները
տեղակայված են Հայաստանում, “Արագած” գիտկայանում:
Երկրային գամմա բռնկումների հետազոտություններում ՆԱՍԱ-ն առավել արդյունավետ է`
Ֆերմի գամմա ճառագայթների դիտակի վրա տեղադրված LAT և GBM սեպկտրոմետրի միջոցով: